नारायणघाट डुबानमा पर्न सक्ने,जिल्ला प्रशासन कार्यालयले दियो चेतावनी,पढेर सतर्क रहौं
चितवन, जेठ ३०
चितवन प्रशासनले नारायणी, राप्तीलगायत चितवनका नदी किनारमा रहने नागरिकले विशेष सतर्कता अपनाउन अनुरोध गरेको छ ।
जिल्ला प्रशासन कार्यालय चितवनले आज एक अत्यन्त जरुरी सूचना जारी गर्दै सो सर्तकता अपनाउन अनुरोध गरेको हो । सूचनामा मौसमको समय सुरु हुन लागेकोले जिल्लाका धेरै स्थानमा बाढी, पहिरो, नदी कटानको सम्भावना रहेकोले आमनागरिकलाई सर्तकता अपनाउन अनुरोध गरिएको छ । सूचनामा बाढी आएको समयमा नदीमा माछा मार्ने, पौडी खेल्ने र दाउरा संकलनको काम नगर्न पनि भनिएको छ ।
यो पनि पढौं
३१ जेठ, काठमाडौं,जल तथा मौसम पूर्वानुमान महाशाखाले मनसुनी प्रणाली देशैभरि फैलिएको जनाएको छ । महाशाखाका अनुसार गएको शुक्रवार नेपालको पूर्वी भू-भागबाट प्रवेश गरेको मनसुनी प्रणाली देशैभरि फैलिएको हो ।
यही हप्ता मनसुन थप सक्रिय भइ धेरै ठाउँमा मध्यम तथा केही ठाउँमा ठूलो पानी पर्ने सम्भावना रहेकाले सतर्कता अपनाउन महाशाखाले आग्रह गरेको छ । अहिले देशका सबैजसो ठाउँमा बादल लागेको छ।
Comments
Post a Comment