कास्कीको मादीमा आएको वाढीले २ जेसिबी टिपर हाइड्रोका जेनेरेटर लगाएतका सामाग्रीहरु बगाए

 

पोखरा । अविरल वर्षा सङै आएको कास्कीको मादीमा आएको वाढीले मादी गाउँपालिका २ ताङ्तिङ बेसीमा निर्माण भैरहेको ४४ मेघावाट सुपर मादी हाइड्रो पावरमा ठुलो क्षति पुराएको छ ।

बाढीले २ वटा जेसिबी, एउटा टिपर, हाइड्रोमा प्रयोग भएका पाइपहरु, जेनेरेटरलगाएतका अन्य मेसिनरी सामाग्रीहरु र क्रसर बगाएको छ। वडा न २ का वडा अध्यक्ष एकजङ गुरुङका अनुसार अहिलेसम्म कुनै मानवीय क्षती भने भएको छैन । हिजो देखी परेको अविरल वर्षाका कारण पोखराका विभिन्न क्षेत्रहरुमा असर गरेको छ ।

undefined

पोखरा १७ स्थित छोरेपाटनको मुख्य सिदार्थ राजमार्गकै सडकमा भ्वाङ परेको छ । स्थानीयका अनुसार पोखरा १७ र २२ को माथिल्लो क्षेत्र बाट आएको पानीले निकाश नपाउदा सडकमा पानीको ताल नै बन्ने र सडक नै भासिने समस्या बर्षेनी हुने गरेको बताउछन । अहिले भासिएको सडकलाई डोजरले सम्माइ सकेको छ ।

आज बिहाननै अविरल वर्षाका कारण पोखरा ६ बैदाम र पोखरा ९ नयाँबजारमा पनि केही घरमा क्षति पुर्याइेको छ भने केही घर जोखिममा परेका छन । वर्षाका कारण पोखरा ९ नयाँबजार सिद्धमार्ग देखी सेती नदी जाने बाटो छेउ भत्किएको छ । सो क्षेत्र वरिपरिका घरहरु जोखिममा पहेका छन् । अहिले घटनास्थलमा प्रहरीको टोली परिचालन गरिएको छ भने, जोखिमयुक्त घर तथा बस्तीका मानिसलाई सुरक्षित स्थानतर्फ सर्न आग्रह गरिएको छ।

हिजोदेखि परेका वर्षाले धेरै स्थानमा बाढी र पहिरोको जोखिम बढेको छ । यसै गरी पोखरा ६ बैदामको स्ट्रिट ३१ स्थित वसन्त बैठक नहर मार्गमा नहरमा आएको बाढी थुनिदा तीन घरमा क्षति पुगेको छ । बाटो निर्माणको क्रममा माटोले थुनिएको नहरमा भारी वर्षाका कारण आएको पानीको बहाव बस्तीमा छिर्दा तीन घरमा क्षति पुगेको हो ।