अन्ततः नारायणकाजीले पनि त्यागे माओवादी केन्द्र, प्रचण्डको हालत के होला ?
नेकपा माओवादी केन्द्रका नेता नारायणकाजी श्रेष्ठले माओवादी केन्द्र त्यागेको संकेत गरेका छन् । राष्ट्रियसभा सदस्यसमेत रहेका नेता श्रेष्ठले राष्ट्रियसभा बैठकमा माओवादी केन्द्र त्यागेको प्रमाण दिएका हुन् ।
नेकपा हुँदा नेकपा एमालेका मतदाताको भोटबाट राष्ट्रियसभा निर्वाचित भएका श्रेष्ठले आजको बैठकमा माओवादी केन्द्रका सांसदका लागि तय गरिएको रोहमा नबसी कांग्रेसतिर लागेका छन् ।
बैठकमा श्रेष्ठले आफ्नो दलका नेता दिनानाथ शर्मा भन्दा पछाडि बस्नु परेपछि माओवादीको रोह नै त्यागेर कांग्रेसका लागि तय गरिएको पहिलो रोहमा बसेका छन् ।
राष्ट्रियसभा सचिवालयले यस बिषयमा कुरा गर्दा कांग्रेसका नेताहरुले श्रेष्ठले कांग्रेसको रोहमा बस्ने चाहना गरेको र पहिलो रोह आफ्ना इज्जतका लागि राखिदिन भनेपछि आफूहरुले बस्दा आपत्ति नजनाएको जवाफ दिएका छन् ।
संसदमा सम्बन्धित दलका सांसदका लागि तय गरिए भन्दा अर्को दलको रोहमा गएर बस्ने श्रेष्ठ पहिलो नेता छन् ।
पहिलो रोहमा बस्न नपाएकै कारण श्रेष्ठले माओवादी रोह नै परित्याग गरी कांग्रेसतिर गएका हुन् ।
यस बिषयमा माओवादी दलका नेता शर्माले श्रेष्ठलाई प्रश्न गरे पनि आफू जता मन लाग्यो त्यतै बस्ने जवाफ फर्काएका स्रोतको भनाई छ ।
पत्रकारमाथि आक्रमण र क्यामेरा ताेडफाेड गरेकाे घटनाप्रति ध्यानाकर्षण
नेपाल पत्रकार महासङ्घ र शिक्षा पत्रकार सञ्जाल (इजाेन) ले पत्रकारमाथि भएकाे आक्रमणकाे घटनाप्रति गम्भीर ध्यानकर्षण भएकाे जनाएकाे छ ।
मनाेमानी शुल्क असुलेकाे समाचार सङ्कलनका क्रममा प्राइम टेलिभिजन र एभिन्युज टेलिभिजनका पत्रकारमाथि पिङ्गलास्थानमा रहेकाे प्यारागन पब्लिक स्कुलकाे व्यवस्थापनले नियाेजित रूपमा आक्रमण र क्यामेरा ताेडफाेड गरेकाे घटनाप्रति पत्रकार महासङ्घ र इजाेनले ध्यानाकर्षण भएकाे जनाएकाे हाे ।
प्राइम टीभीका पत्रकार दीपक अर्याल र सुन्दरबहादुर गुरुङ तथा एभिन्युज टीभीका पत्रकार सराेज पाैडेल, सुरेश रजक र शीतल रिजालमाथि भएकाे आक्रमणकाे निन्दा गर्दै ताेडफाेड भएका सामग्रीकाे क्षतिपूर्तिका लागि सम्बन्धित विद्यालयसँग माग गरिएकाे छ ।
Comments
Post a Comment